Stallweihnacht 2011

Von Heike Hofbauer

 

Liabe Leid, heut is so weit

Eigsogt is d‘ Stallweihnacht heid.

Am Schleindlgut in Lampehausen

Is zum Tringa, Singa, Locha und Schmausen.

 

Glei um hoibe sechse war’s Essen grecht

Gschmeckt hots goar ned schlecht.

Kurz danoch is kemma Stimmung auf

Oanzelne war’n scho guad drauf!

 

A „Schüri“ hod se a schnell gfunden und es is ihr gelungen

De jungen Diandln zum animiern und scho homs fesch gesungen.

Wir woitn finden „Schleindls first Suppatalent“

Glei a moi homs an Loisi nur mehr „Dieta“ gnennt.

 

De Pointa Sisters hom a Pony over the ocean gwoschn

Laut und mit Begeisterung, es hot fost zrissn a jede Weinfloschn.

Da Andi, unser Profi, hot dann später nu gesungen ganz wunderbar-

De Zinty und da Gery hom dazuagspüt mit da Gitar.

 

Auf oimoi woas gonz stad

De Krampal ham olle niedergmaht!

De kloa Elli hod kriagt hoaße Ohrn

D‘ Sabine und Poidi hom miassn noch vorn.

 

Beten oder dichten hättens soin –

De Krampei hod des oba ned so gfoin.

Ghaut ham’s dann voi oag zua-

Wia oi woan troffen, woa a Ruah!

 

De Jugend hod se drinna vagnügt mit Rum

Oba draussen (in Erichs Kuche) woar koana stumm.

Die Sabine hot busselt mit ihrem Franz

Dann hots uns zoat ihren Lieblingstonz.

Geschüttelt und beidelt hod sa sie

Ghagelt hods Applaus wia nie!

 

Da Erich hod oan auf Traudi gmocht

Und die Heidi drauf an Stunt darbrocht!

Immer spada is woan – die Weihnachtsnocht!

 

Da Nussschnops unds Bier is gflossn in Ströma

De guade Laune hod se lossn koana nehma!

Manche san immer ruhiger woan

Und de ersten san donn scho hoam.

 

I iaz a.